Pas gati tre vitesh që nga fillimi i divorcit të tyre, modelja Emily Ratajkowski dhe aktori Sebastian Bear-McClard tani janë zyrtarisht të divorcuar. Sipas dokumenteve të gjykatës, divorci u dha më 22 korrik në Gjykatën Supreme të New Yorkut, duke i bërë Emily dhe Sebastian të divorcuar ligjërisht. Një urdhër në lidhje me sigurimin shëndetësor të djalit të tyre u paraqit gjithashtu në të njëjtën ditë, por meqenëse të dhënat e divorcit në këtë shtet janë të mbyllura për publikun, detajet nuk dihen.
Divorci dukej se u finalizua në fund të vitit të kaluar, kur avokati i modeles së famshme paraqiti të gjitha dokumentet e nevojshme, përfshirë një propozim për një vendim gjyqësor dhe një marrëveshje për kujdesin e fëmijës. Megjithatë, gjykata e ktheu vendimin për rishikim dhe më pas u arrit një zgjidhje, e cila mbetet larg syrit të publikut. Emily kërkoi divorcin në shtator të vitit 2022, katër vjet pasi u martuan.
Ato ishin ndarë disa muaj më parë, thuhet se për shkak të një tradhtie nga Sebastian. “Isha shumë e pakënaqur. E ndjeva atë stres fizikisht, peshova 45 kilogramë pas lindjes. Nuk isha mirë”-tha ajo. Çifti ka një djalë, Sylvester Apollo Bear, i cili lindi në janar 2021. Djali jeton me Emily-n, por e takon të atin disa herë në javë. Në një intervistë për Vogue Australia vitin e kaluar, Ratajkowski zbuloi se po mendonte të shkruante një libër për divorcin. Ndryshe nga Emily, Sebastiani u tërhoq plotësisht nga publiku, veçanërisht pasi dy vajza adoleshente bënë akuza të rënda, duke pretenduar se ai i kishte abuzuar dhe shfrytëzuar seksualisht ato.
Rikujtojmë se në një postim në TikTok, Emily tha:
Pra, duket sikur shumë zonja divorcohen para se të mbushin 30-vjeçe. Dhe si dikush që u martua 26- vjeçe, u divorcua për pak më shumë se një vit në moshën 32-vjeçe. Unë dua t’ju them se nuk mendoj se ka ndonjë gjë më të mirë. Nuk ka asgjë më të mirë se të jesh në të 30-at, të jesh ende seksi, ndoshta të kesh pak para, të kuptosh se çfarë të bësh me jetën tënde dhe të gjitha këto. Të kesh provuar këtë fantazi të martesës dhe të kuptosh se ndoshta nuk është gjithçka që imagjinon. Atëherë ju keni gjithë jetën tuaj përpara. Pra, për të gjithë këta njerëz që janë të stresuar për këtë, për divorcin, është një gjë e mirë. Urime! Personalisht më duket elegante të divorcohesh deri në moshën 30-vjeçare.
