Sot vendi ynë ndikohet nga kushte atmosferike të paqëndrueshme. Sipas Shërbimit Meteorologjik Ushtarak, SHMU, moti parashikohet me vranësira mesatare deri të dendura.
Reshjet e shiut u bënë prezente në orët e para të ditës, fillimisht me intensitet të ulët përgjatë Ultësirës Perëndimore. Gradualisht në orët e mesditës e në vijim, shtrihen edhe në pjesën tjetër të territorit, në mënyrë të herëpashershme me intensitet të ulët, si dhe shtrëngata afatshkurtra kryesisht në malësitë e vendit.
Në orët e mbrëmjes, reshjet humbasin intensitet dhe mbeten të dobëta në jug e lokalisht në verilindje në male. Në relievet malore në veri-lindje-juglindje, në lartësitë mbi 1000-1200 metër parashikohen reshje dëbore me intensitet të ulët.
Era fryn me drejtim verilindje – veriperëndim e me shpejtësi mesatare 5 m/s, ndërsa në detet Adriatik dhe Jon, valëzimi është i forcës 1-2 ballë.
