Pas performancës së saj në “American Music Awards 2025”, ku ndau një puthje skenike me një balerinë zëvendësuese, Jennifer Lopez është bërë sërish në qendër të vëmendjes. Momenti u bë menjëherë viral, duke shkaktuar komente të shumta në rrjete sociale, ku disa e quajtën “të tepruar” dhe “të dëshpëruar”.
Në një intervistë me Tiffany Haddish, e cila komentoi me humor puthjen duke e quajtur një “gjueti njerëzish”, JLo u përgjigj me qetësi:
Nuk po kërkoj asnjë burrë. Jam e lumtur tani. Nuk po përpiqem ta prish.
Divorci i saj me Ben Affleck u finalizua në janar, por sipas burimeve për “Daily Mail”, këngëtarja është e përqendruar te vetja dhe karriera.
Ajo ndjek këshillat e ekipit të saj dhe nuk ndalet përballë kritikave
-tha një burim pranë saj.
Përveç performancës, Lopez ishte edhe prezantuese në AMA dhe njoftoi rikthimin me një rezidencë koncertesh në Las Vegas, që nis më 30 dhjetor në Caesars Palace.
Ajo gjithashtu do të kryesojë WorldPride në Uashington DC këtë qershor.
Në një prononcim për “People”, Lopez tha: Kjo verë do të jetë për të festuar lirinë dhe lumturinë.
