Jennifer Lopez, një nga emrat më të mëdhenj të muzikës dhe kinemasë, ka pranuar se edhe pas dekadash karriere të suksesshme, vazhdon të përballet me dyshime për aftësitë e saj në aktrim.
Në një intervistë për “CBS News Sunday Morning”, 56-vjeçarja tha se shpesh është ndjerë si një “e huaj” në Hollywood, sidomos në fillimet e saj, kur shumë e shihnin vetëm si këngëtare ose balerinë.
Gjithmonë kam ndjerë se duhej të provoj veten për t’u marrë seriozisht si aktore
-u shpreh ajo.
Lopez ka punuar përkrah legjendave si Robert Redford, Jane Fonda dhe Robin Williams, por pohon se presioni për të treguar veten ka qenë gjithmonë i pranishëm.
Projekti i saj më i fundit, “Kiss of the Spider Woman”, i cili shënon filmin e saj të parë muzikor, është për të një ëndërr e kahershme që më në fund u realizua.
Ylli ka folur shpesh edhe për përballjen me kritikat, duke theksuar se suksesi i saj ka ardhur falë besimit tek vetja dhe injorimit të komenteve negative.
Ajo ka fituar disa nominime për Golden Globe dhe mbetet një shembull frymëzues për këdo që synon të thyejë barrierat dhe stereotipet.
Pavarësisht sfidave, Jennifer Lopez dëshmon se me punë, përkushtim dhe vendosmëri, ëndrrat më të mëdha mund të bëhen realitet.
