Patriarku i Moskës, Kirill, së fundmi ka justifikuar sulmin e Rusisë ndaj Ukrainës, duke thënë se rusët kanë nisur një luftë kundër promovimit të modeleve mëkatare dhe në kundërshtim me traditën e krishterë. Si shembull për këtë, ai ka dhënë paradën “Gay Pride”.
Për 8 vite ka pasur përpjekje për të shkatërruar atë që është krijuar në Donbass (rajon historik, kulturor dhe ekonomik në Ukrainën juglindore) aty ku refuzohen të ashtuquajturat vlera që ofrohen sot nga ata që kanë pushtetin botëror. Sot ka një test për besnikërinë ndaj pushtetit botëror, kalimi i të cilit të lejon të jetosh në botën “e lumtur”, botën e konsumit të tepërt, botën e “lirisë”. E dini se çfarë është ky test? Është i thjeshtë dhe i tmerrshëm, është një paradë gay. Kërkesat për të zhvilluar një paradë gay konsiderohen test besnikërie ndaj asaj bote të fuqishme, që të përjashton nëse refuzohet kërkesa e tyre. Por, ne e dimë që kjo gjë është mëkat që dënohet nga fjala e Zotit.
Sipas tij, lufta nuk ka vetëm domethënie politike:
Po flasim për shpëtimin e njerëzimit. Për të hyrë në klubin e shteteve të rëndësishme, duhet të mbash një paradë gay. Kështu, ata na detyrojnë me dhunë që t’i kundërvihemi Zotit dhe të vërtetës së tij.
Ndërkaq, bashkëshortja e presidentit të Ukrainës, Olena Zelenksa ka reaguar për herë të parë zyrtarisht pas luftës dhe bombardimeve që Rusia po i bën vendit të saj. Ajo ka shkruar një letër të hapur, duke rrëfyer të gjitha vështirësitë që populli po përballet gjatë këtyre ditëve, madje e ka përshkruar këtë ngjarje si diçka e cila është e pamundur të besohet. Letra i drejtohet të gjitha mediave botërore. Zbuloni më shumë duke klikuar në këtë link.
