Kim Kardashian ka shënuar një tjetër moment të rëndësishëm në karrierën e saj duke pozuar për kopertinën e revistës prestigjioze “French Vogue”.
Në editorialin e muajit tetor, ylli 44-vjeçar shfaqet topless, duke simbolizuar një periudhë të re lirie dhe besimi në vetvete, tre vite pas divorcit me reperin Kanye West.
Në intervistë, Kim rrëfeu se ka arritur një nivel sigurie të brendshme që nuk e kishte më parë.
Më parë gjithmonë pyesja dikë përpara se të merrja një vendim. Sot e di saktësisht çfarë dua. Është një ndjenjë e jashtëzakonshme
Ajo tregoi se moda ka luajtur rol kyç në këtë transformim, duke veçuar stilistin Demna si figurë që e ndihmoi të forconte identitetin e saj.
Përveçse ikonë mode, Kim është nënë e katër fëmijëve, miliardere, sipërmarrëse dhe së fundmi edhe aktore. Ajo do të debutojë këtë vjeshtë në serialin e ri të Ryan Murphy, “All’s Fair”, ku luan një avokate divorci pranë emrave të mëdhenj si Glenn Close, Sarah Paulson dhe Naomi Watts.
Në editorial, Kim shfaqet thuajse pa make-up dhe e zbukuruar me bizhuteri të rralla, një zgjedhje me simbolikë të fortë duke kujtuar grabitjen prej 10 milionë dollarësh që pësoi në Paris në vitin 2016.
Shfaqja e re në “French Vogue” shihet si një kapitull i fuqizuar për Kim, duke e pozicionuar si një nga figurat më të rëndësishme të kulturës pop dhe modës bashkëkohore.
