Spekulimet për një lidhje mes Kim Kardashian dhe reperit Drake janë rikthyer me forcë, pasi fansat vunë re disa detaje të përbashkëta në postimet e tyre nga Italia.
Sipas “The Sun”, Kardashian, 44 vjeçe, ndau disa foto në Instagram të martën, ku shihej duke pozuar pranë shtyllave prej guri me liqenin Como në sfond, duke i shoqëruar me mbishkrimin:
ITALIA 2025
Pak më herët, një faqe e specializuar për prona luksoze kishte raportuar se Drake, 36 vjeç, ishte parë duke qëndruar në një rezidencë madhështore në të njëjtin liqen, me arkitekturë shumë të ngjashme me atë që shfaqej në fotot e Kardashian.
Kjo mjaftoi që fansat të nisin krahasimet. Në rrjete sociale, një përdorues në Reddit ndau foto krah për krah të postimit të Kim dhe të një prone luksoze në Como, duke e quajtur atë “provë” të romancës së mundshme:
Rrugët thonë se Drake dhe Kim Kardashian janë një çift i ri.
Ky nuk është spekulimi i parë për një lidhje mes tyre. Ish-bashkëshorti i Kim-it, Kanye West, në mars të këtij viti aludoi për një romancë mes saj dhe Drake, kur shkroi në X:
Këto janë herët e fundit që mund ta kritikoj Drake-un para se Kim të dalë hapur, sepse pastaj duket sikur po e urrej.
Ndërkohë, edhe muzika e reperit kanadez ka ushqyer thashethemet.
Në vitin 2023, kënga e tij “Search & Rescue”përfshinte një dialog mes Kim dhe nënës së saj, Kris Jenner, ndërsa fansat nuk harrojnë as vargjet e këngës “In My Feelings” (2018), ku Drake këndonte “Kiki do you love me?”, një referencë që shumëkush e lidhi me Kim.
Aktualisht, Kim Kardashian është beqare pas ndarjes nga Kanye West në vitin 2021, ndërsa edhe Drake nuk është përfolur për lidhje serioze kohët e fundit – duke i shtuar më shumë zëra të mundësisë që mes tyre po lind diçka.
