Kylie Jenner ka tërhequr sërish gjithë vëmendjen gjatë festimeve të Ditës së Falënderimeve, teksa po qëndronte në rezidencën familjare në Palm Springs.
Ylli 28-vjeçare u pa me një fustan të zi ultra të ngushtë nga Dolce & Gabbana, që theksonte format e saj, ndërsa po shijonte pushimet në vilën luksoze së bashku me motrën Kendall Jenner.
Ajo që nuk kaloi pa u vënë re nga fansat, ishte mungesa e të dashurit të saj, aktorit Timothée Chalamet, me të cilin Kylie nuk është parë në publik prej gati dy muajsh.
Herën e fundit çifti u fotografua më 8 tetor, gjatë një ndeshjeje të New York Yankees, gjë që ka nxitur sërish thashetheme për situatën e tyre romantike.
Megjithatë, Kylie dukej mjaft në humor teksa festonte me Kendall-in. Motrat u panë duke bërë shaka për “aftësitë e dobëta” në kuzhinë të Kendall-it, një moment që rikujtoi videon virale ku ajo shfaqej duke prerë karrota me vështirësi.
Edhe pse e mbajnë romancën larg syrit të publikut, Kylie dhe Chalamet herë pas here kapen së bashku në evente.
Aktori thuhet se është i angazhuar me xhirimet e filmit “Dune: Part Three” në Budapest, ndërsa Kylie po fokusohet në projektet e saj të reja në modë dhe kozmetikë.
Burime pranë saj raportojnë se ajo udhëton në mënyrë diskrete për ta vizituar sa herë i jepet mundësia, duke treguar se lidhja e tyre vazhdon, pavarësisht distancës dhe angazhimeve profesionale.
Ndërkohë, Kylie dhe ish-partneri i saj, reperi Travis Scott, ndajnë së bashku kujdesin për dy fëmijët e tyre.
