Kombëtarja ka marrë një lajm jo të mirë në prag të ndeshjeve të muajit shtator. Mesfushori Ylber Ramadani nuk do të jetë i gatshëm për duelet ndaj Gjibraltarit dhe Letonisë, pasi është detyruar të tërhiqet nga grumbullimi.
LEXO EDHE: Miqësorja me Gjibraltarin dhe sfida me Letoninë, Sylvinho publikon listën!
Edhe pse mbrëmë ishte titullar me Leccen në Serinë A kundër Milanit, sot klubi italian konfirmoi përmes një komunikate se lojtari do të mungojë për shkak të problemeve shëndetësore. Bëhet fjalë për një bllokim në mushkërinë e majtë, gjendje që kërkon trajtim të menjëhershëm mjekësor.
Kjo mungesë vjen si një goditje e madhe për trajnerin Sylvinho, i cili kishte zgjedhur një grup të reduktuar lojtarësh për këto dy sfida dhe tashmë pritet të detyrohet të thërrasë zëvendësues.
Ramadani, prej kohësh një nga shtyllat kryesore të mesfushës kuqezi, do të mungojë në një moment vendimtar, duke e bërë edhe më të vështirë misionin e Shqipërisë drejt fazës finale të Kupës së Botës 2026.
