Leonardo DiCaprio, 50 vjeç, duket se po sfidon më në fund modelin e tij të famshëm të takimeve, pasi është në një lidhje me modelen italiane Vittoria Ceretti, e cila sapo ka mbushur 27 vjeç.
Kjo lidhje ka tërhequr vëmendjen e publikut për faktin se për më shumë se dy dekada, aktori ka pasur tendencën të ndahet nga partneret e tij sapo ato mbushnin 25 vjeç.
Ceretti, e njohur për karrierën e saj të suksesshme në botën e modës dhe me mbi 20 kopertina të “Vogue”, ishte më parë e martuar me DJ Matteo Milleri.
Pas ndarjes në qershor 2023, ajo u pa në krah të DiCaprios dhe së fundmi e shoqëroi në Met Gala 2025.
Nuk dihet ende nëse kjo marrëdhënie shënon një kthesë të vërtetë për aktorin, por është e mjaftueshme për të ngjallur diskutime rreth jetës së tij romantike.
