Rusia së fundmi ka kufizuar aksesin në Facebook për shkak të pasojave të sulmit të saj në Ukrainë. Nuk është e qartë se çfarë do të përfshijnë në të vërtetë ato kufizime, të cilat nuk duket se përbënin një ndalim ose mbyllje totale të faqes në Rusi. ‘Roskomnadzor’, rregullatori i komunikimeve në vend, duket se ka sjellë kufizime në përgjigje të ndryshimeve të bëra nga kompania mëmë e Facebook, Meta. Meta tha se do të etiketojë llogaritë e mediave në pronësi ruse, në atë që tha se ishte një përpjekje për të kufizuar sasinë e dezinformatave në platformën e saj.
Autoritetet ruse kanë akuzuar Facebook për shkelje të të drejtave të qytetarëve të saj. Meta ka thënë se po shton një numër masash që synojnë të ruajnë platformat dhe përdoruesit e saj të sigurtë ndërsa situata në Ukrainë përkeqësohet. Nick Clegg, zëvendës-president për çështjet globale, tha se kishte krijuar një “Qendër të Operacioneve Speciale”.
Por dukej se ishin ato kufizime në faqet e mediave të kontrolluara nga shteti që kishin bërë që rregullatorët e Rusisë të përgjigjeshin. Clegg tha se Meta do të ndërmerrte hapa të gjerë për të luftuar përhapjen e dezinformatave dhe etiketimin e përmbajtjeve nga mediat e kontrolluara nga shteti dhe përmbajtjeve që kontrolluesit i kanë vlerësuar të rreme.
Rikujtojmë, se jeta po lançon opsionin e saj Reels në mbarë botën, duke e bërë funksionin të disponueshëm përmes aplikacioneve iOS dhe Android në më shumë se 150 vende. Përveç zgjerimit të aksesit në Reels, gjigandi i mediave sociale po shton veçori të reja redaktimi në versionin e Facebook të platformës dhe po zgjeron opsionet e reklamimit.
