Banorët e Big Brother VIP Albania 5 janë përfshirë në një seancë pyetje-përgjigje për t’u njohur më nga afër me njëri-tjetrin, duke ndarë histori personale dhe momente të rëndësishme nga jeta e tyre jashtë shtëpisë.
Një nga pyetjet që ndezi menjëherë kureshtjen e publikut ishte:
A ke pasur ndonjëherë probleme me ligjin?
-e drejtuar ndaj Mateos.
Banori nuk hezitoi të tregojë hapur për një episod të së kaluarës së tij, duke zbuluar se ka pasur vetëm një përballje me autoritetet, disa vite më parë.
Vetëm një herë kam përfunduar në komisariat, kur isha 18 vjeç, për shkak të një sherri banal në rrugë. Thjesht kemi firmosur një akt dhe të dyja palët kemi rënë dakord që nuk ka pasur probleme të mëtejshme
-u shpreh Mateo.
Rrëfimi i tij u prit me qetësi nga banorët e tjerë dhe u pa si një shenjë sinqeriteti ndaj publikut, duke treguar një anë më njerëzore dhe të drejtpërdrejtë të tij.
Seanca e pyetjeve shërbeu gjithashtu për të forcuar lidhjet mes banorëve, duke i dhënë mundësi secilit të hapet më shumë dhe të krijojë besim brenda shtëpisë.
Mateo është një nga banorët e rinj që i është bashkuar Big Brother VIP Albania 5 dhe duket se po fiton vëmendje me rrëfimet e tij të sinqerta.
