Milioneri australian Matthew Lepre është në kërkim të një personi që do të udhëtojë me të nëpër botë dhe për këtë ofron një pagë prej 35 mijë eurosh. 31-vjeçari në kohën e lirë udhëton nëpër botë, ndaj kërkon një asistent që t’i bashkohet në udhëtimet e tij. Lepre ndërtoi perandorinë e tij të biznesit përmes kurseve të trajnimit të biznesit në internet, pasi mbaroi universitetin në moshën 23-vjeçare.
Për shkak të nevojave të punës së tij, ai në pesë vitet e fundit ka vizituar 30 vende. Ai u shpreh se:
Kërkoj një person të zellshëm që të më ndihmojë në biznesin tim. Më duhet një dorë e djathtë që të më ndihmojë në udhëtime dhe në detyra administrative.
Përveç ofrimit të mundësisë për të udhëtuar nëpër botë me shpenzimet e udhëtimit të paguara, milioneri ofron një pagë prej 35 mijë eurosh dhe asistenti i ri do të mund të drejtojë makinat e tij të shtrenjta. Ju mund të aplikoni për punë përmes faqes së tij të internetit Ecom Warrior Academy.
