Miley Cyrus dhe partneri i saj, Maxx Morando, janë zyrtarisht të fejuar pas një romance katërvjeçare, ka konfirmuar Page Six.
Dyshja ndezën thashethemet gjatë paraqitjes së tyre në premierën botërore të filmit “Avatar: Fire and Ash”, teksa këngëtarja u shfaq me një unazë të re diamanti që tërhoqi menjëherë vëmendjen e fansave.
Gjatë tapetit të kuq në Los Angeles, Miley pozoi e buzëqeshur duke vendosur dorën në mënyrë strategjike, duke nxjerrë në pah unazën e mahnitshme që shumë shpejt u bë temë kryesore në rrjetet sociale. Pak orë më vonë, lajmi i fejesës u konfirmua zyrtarisht.
Sipas përfaqësueses së saj, nga Francesca Consulting, unaza është krijuar me porosi nga dizajnerja e njohur Jacquie Aiche, e famshme për estetikën boho-luksoze.
Diamanti është me prerje cushion dhe i vendosur në një shirit të trashë prej ari të verdhë 14-karatësh, një kombinim që i jep bizhuterisë një pamje elegante, moderne dhe të guximshme, njësoj si stili i Cyrus.
Në event, këngëtarja shkëlqeu me një fustan të zi glamuroz pa rripa, me shkëlqim dhe fund me pala, ndërsa Morando u paraqit me një kostum klasik të zi dhe këmishë të bardhë, duke krijuar një çift harmonik në skenën e tapetit të kuq.
Fejesa shënon një hap të rëndësishëm për Miley dhe Maxx, të cilët, pavarësisht famës, kanë zgjedhur gjithmonë të ruajnë romancën e tyre larg syrit të publikut. Gjithsesi, me këtë dalje të fundit, duket se nuk mund ta fshihnin më lajmin e bukur.
