Nissan ka pasur një vit të trazuar. Shitjet janë në rënie, kompania është prapa në hibridizim dhe raportet e fundit tregojnë se markës i kanë mbetur “12 deri në 14 muaj” në biznes. Por punësimi i fundit mund të jetë hapi i parë në drejtimin e duhur për një kthesë të mundshme. Bëhet e ditur se Nissan ka sjellë Christian Meunier për të udhëhequr.
Meunier ishte më parë shefi ekzekutiv global për markën Jeep dhe shërbeu në komitetin ekzekutiv për Stellantis. Para kësaj, ai punoi në Nissan në role të shumta që nga viti 2002, duke përfshirë si kryetar dhe president global i Infiniti.
Tani, Meunier kthehet në kompani si kryetar për Amerikën Veriore dhe Jugore, në krye të të dy markave Nissan dhe Infiniti. Ai do të zëvendësojë Jeremie Papin, i cili do të emërohet shef financiar i prodhuesit të automjeteve.
“Unë do të punoj me ekipin për ta rikthyer biznesin në rrugën e duhur”-tha Meunier. Ai u largua nga Jeep në nëntor të vitit 2023 mes shitjeve të ngadalta. Meuiner e fillon rolin e tij të ri me Nissan më 1 janar 2025.
Nissan ka punuar në një konvertim elektrik për GT-R R32 që nga marsi 2023. Projekti i diskutueshëm më në fund është gati. E ndërtuar nga një ekip inxhinierësh vullnetarë, makina sportive po shkon në Tokio për prezantim. Meqenëse Nissan mbetet i fshehtë në lidhje me specifikimet teknike, ne mund të spekulojmë për momentin. Duke supozuar se ka ende sistem të lëvizjes me të gjitha rrotat, GT-R përmban dy motorë elektrikë.
Kompania japoneze e prodhimit të automjeteve Nissan po përdor inteligjencën artificiale për të dalluar papërsosmëritë e bojës në makinat e prodhuara në fabrikat e montimit në SHBA. Rreth tre vjet më parë, prodhuesi i automjeteve filloi të përdorë sistemin e inspektimit të sipërfaqes së lyer bazuar në inteligjencën artificiale të quajtur “Autis”, e cila përmirëson shkallën e zbulimit të defekteve në fabrikë.
