Zemërimi i vazhdueshëm mund të shkaktojë dëm të konsiderueshëm në shëndetin e zemrës duke rritur nivelet e hormoneve të stresit. Kjo mund të çojë në sëmundje të zemrës, hipertension, sulme në zemër, goditje në tru dhe sindromën metabolike. Studimet kanë treguar se zemërimi është i lidhur me një rrezik më të lartë për sëmundjet koronare të zemrës dhe komplikime të tjera kardiovaskulare.
Në veçanti, zemërimi ka një lidhje të drejtpërdrejtë me sulmet në zemër, duke treguar se shpërthimet e zemërimit mund të dyfishojnë rrezikun e ndodhisë së një sulmi brenda dy orëve pas një emocion të tillë të fortë, veçanërisht kur zemërimi është shumë i thellë.
Po ashtu, zemërimi ndikon negativisht në sistemin tretës, pasi truri dhe sistemi tretës komunikojnë vazhdimisht. Kjo mund të shkaktojë dhimbje barku, probleme me stomakun dhe diarre.
Stresi i lidhur me zemërimin mund të kontribuojë gjithashtu në sëmundje të tilla si sindroma e zorrës së irrituar (IBS) dhe refluksi gastroezofageal (GERD).
Nga ana tjetër, zemërimi i shpeshtë mund të ndikojë negativisht në shëndetin mendor, duke përkeqësuar simptoma të ankthit dhe depresionit dhe duke reduktuar efektivitetin e trajtimit. Kjo mund të ndikojë edhe në përqendrimin dhe marrëdhëniet shoqërore.
Për më tepër, zemërimi mund të shkaktojë probleme të gjumit, pasi niveli i lartë i stresit mund të rrisë ndjeshëm trazirat mendore, duke i bërë të vështira momentet e relaksimit dhe një gjumë të qetë.
