Ice Universe, ka ndarë pamje të Galaxy S26 Ultra të krijuar nga fansat. Ai mNdërsa nuk është i sigurt për dizajnin përfundimtar ende, ai i lidhi të gjitha pikat dhe arriti në përfundimin se kështu ka të ngjarë të duket telefoni. Sipas mediave të huaja, ndryshimet do të fillojnë nga kamera. Sipas Ice, kamerat kryesore do të kenë apertura më të mëdha, që do të thotë se madhësia e hapjes në lente do të jetë më e madhe për të lejuar më shumë dritë të hyjë. Lentet do të zënë më shumë hapësirë si rezultat. Në të njëjtën kohë, Galaxy S26 Ultra pritet të jetë më i hollë se S25 Ultra.
Kamerat do të kenë unaza rreth tyre. Pajisja pritet të shfaqë specifikime më të mira të baterisë dhe karikimit dhe do të fuqizohet nga çipi Qualcomm Snapdragon 8 Elite 2 për Galaxy. Ekrani i Samsung Galaxy Z Fold7 do të jetë funksional edhe pas 500 mijë palosjesh. Samsung ka bërë një hap të madh përpara kur bëhet fjalë për qëndrueshmërinë e smartphonet të palosshëm Galaxy Z Fold7 dhe ka njoftuar se pajisja do të mbetet plotësisht funksionale edhe pas 500 mijë palosjesh.
Kjo është dukshëm më shumë krahasuar me 200 mijë palosje, sa mund të përballonte Galaxy Z Fold6. Në praktikë, 500 mijë palosje nënkuptojnë përdorim për më shumë se dhjetë vjet për një përdorues mesatar që e palos pajisjen rreth 100 herë në ditë, ose mbi gjashtë vjet për ata që e palosin shpesh, rreth 200 herë në ditë. Edhe në këtë rast të dytë, përmirësimi është i dukshëm krahasuar me gjeneratën e mëparshme.
Samsung ka njoftuar se Samsung Wallet do të mbështesë çelësat digjitalë për automjetet Mercedes-Benz. Kjo do t’u mundësojë përdoruesve të Galaxy të kyçin, shkyçin dhe ndezin makinën e tyre përmes telefonit. Çelësi digjital funksionon edhe pa nxjerrë telefonin nga xhepi dhe mund të ndahet në mënyrë të sigurt me familjarë apo miq. Teknologjia përdor Ultra-Wideband (UWB) për lidhje të saktë dhe është e mbrojtur me standarde të larta sigurie EAL6+. Në rast humbjeje të telefonit, përdoruesit mund të fshijnë ose bllokojnë çelësin përmes shërbimit Samsung Find.
