Edhe pse seria Samsung Galaxy S26 pritet të dalë para vitit 2026, thashethemet dhe spekulimet për modelet e reja janë tashmë aktuale. Vëmendja kryesore është përqendruar në dy segmente kyçe të modelit Galaxy S26 Ultra që po vjen dhe ato janë kapaciteti i baterisë dhe kamera kryesore. Sipas informacioneve deri tani nga portali GalaxyClub dhe nga burime të besueshme si UniverseIce, Galaxy S26 Ultra do të ruajë baterinë me kapacitet 5000 mAh, po atë që kishte edhe S25 Ultra i vitit të kaluar.
Megjithatë, ndryshimi i rëndësishëm është se do të rritet dendësia e energjisë, që do të thotë se bateria e re do të jetë më kompakte pa sakrifikuar kapacitetin. UniverseIce thotë gjithashtu se telefoni mund të mbështesë karikim edhe më të shpejtë, megjithëse nuk ka ende të dhëna zyrtare.
Sa i përket kamerës, sipas GalaxyClub, Galaxy S26 Ultra do të ketë përsëri kamerën kryesore 200 MP, po atë si modeli paraprak. Megjithatë, nuk është e qartë nëse Samsung do të përdorë sensorin e ri apo atë ekzistues. Edhe pse seria Galaxy S26 do të prezantohet zyrtarisht më herët në janar 2026, tashmë duket se na pret një tjetër version shumë interesant i linjës kryesore të Samsung. Në muajt e ardhshëm priten më shumë detaje dhe zbulime, por duhet pasur parasysh që këto janë ende thashetheme.
Samsung ka njoftuar se nga korriku 2025, Samsung Wallet do të mbështesë çelësat digjitalë për automjetet Mercedes-Benz. Kjo do t’u mundësojë përdoruesve të Galaxy të kyçin, shkyçin dhe ndezin makinën e tyre përmes telefonit. Çelësi digjital funksionon edhe pa nxjerrë telefonin nga xhepi dhe mund të ndahet në mënyrë të sigurt me familjarë apo miq. Teknologjia përdor Ultra-Wideband (UWB) për lidhje të saktë dhe është e mbrojtur me standarde të larta sigurie EAL6+. Në rast humbjeje të telefonit, përdoruesit mund të fshijnë ose bllokojnë çelësin përmes shërbimit Samsung Find.
