Aktori Hugh Jackman po shfaqet gjithnjë e më shumë në publik me partneren e tij të re të supozuar Sutton Foster, ndërsa ish-gruaja e tij, aktorja dhe producentja australiane Deborra-Lee Furness po kalon një periudhë të rënduar emocionale pas divorcit të tyre, të cilin ajo vetë e përshkroi si pasojë të tradhtisë. Martesa 27-vjeçare, gjatë së cilës ata rritën dy fëmijë të adoptuar, mori fund kur Deborra-Lee paraqiti zyrtarisht kërkesën për divorc muajin e kaluar.
Sipas burimeve pranë çiftit, ndjenjat e tradhtisë dhe pikëllimit e kanë goditur fort, veçanërisht pasi partneri i ri i ish-burrit të saj dikur ishte në rrethin e të njohurve të saj. “Njerëzit e telefonojnë, i sugjerojnë takime, duan ta ngushëllojnë, por ajo nuk ka interes për dashuri të re për momentin. Deborra-Lee besonte për vite me radhë se Hugh ishte dashuria e jetës së saj. Ajo nuk mund ta imagjinonte se, në këtë moshë, do të përballej me vetminë”-zbuloi një burim pranë aktores.
Historia e tyre e dashurisë filloi në vitin 1995 në xhirimet e serialit australian “Correlli”, kur Jackman ishte vetëm një aktor i ri dhe Deborra-Lee ishte tashmë një emër i afirmuar. Pas vetëm katër muajsh lidhje, Hugh i propozoi asaj dhe më vonë tha në intervista se e dinte që ata do të qëndronin bashkë përgjithmonë. Megjithatë, përralla e tyre filloi të shkatërrohej gjatë pandemisë, kur Jackman filloi provat për muzikalin “The Music Man on Broadway” ku punoi me Sutton Foster.
Edhe pse nuk është e hidhëruar për dashurinë, Deborra-Lee dëshiron kohë për veten tani. Ajo refuzoi disa pretendentë të mundshëm sepse, sipas miqve të saj, aktualisht është e përqendruar në rimëkëmbjen emocionale dhe gjetjen e paqes së brendshme. Një pjesë e veçantë e historisë është fakti që Sutton Foster, përpara se lidhja e saj me Jackman të bëhej publike, dyshohet se u përpoq të ndërtonte një marrëdhënie miqësore me Deborra-Lee, duke ardhur në mbledhje dhe darka të përbashkëta.
