Justin Bieber ka konfirmuar zyrtarisht rikthimin e tij në skenën e Çmimeve Grammy, që do të mbahen të dielën, më 1 shkurt, me Trevor Noah si prezantues të mbrëmjes.
Ky rikthim shënon një moment kyç në karrierën e yllit të pop-it, i cili pritet të ngjitet sërish në skenën prestigjioze pas publikimit të albumit të tij më të ri, “Swag”.
Rikthimi i tij vjen në një periudhë jashtëzakonisht të suksesshme artistike, pasi “Swag” është cilësuar si një nga projektet më të forta të tij dhe e ka rikthyer këngëtarin në qendër të vëmendjes globale.
Por surprizat nuk mbarojnë me kaq. Përveç performancës së shumëpritur, Justin Bieber pritet të jetë një nga emrat dominues të mbrëmjes, pasi këtë vit ai do të largohet nga ceremonia me plot katër çmime Grammy.
Albumi “Swag” ka triumfuar në kategoritë Albumi i Vitit dhe Albumi më i Mirë Vokal Pop, ndërsa kënga “Daisies” ka fituar çmimin për Performancën më të Mirë Solo Pop. Një tjetër sukses i është shtuar me këngën “Yukon”, e shpallur Performanca më e Mirë R&B.
Në total, Bieber ka grumbulluar 23 nominime Grammy gjatë karrierës së tij, ndërsa deri më tani ka fituar vetëm dy çmime.
I pari në vitin 2016 për Regjistrimin më të Mirë Dance me “Where Are Ü Now”, dhe i dyti në vitin 2021 për Performancën më të Mirë Country nga një Duo ose Grup me “10,000 Hours”.
Rikthimi i tij në Grammy po shihet nga fansat si një moment simbolik dhe një tjetër dëshmi e ndikimit të vazhdueshëm të Justin Bieber në industrinë muzikore, duke e rikthyer atë sërish në majën e skenës ndërkombëtare, këtë herë më i fortë se kurrë.
