Pas një pauze të shkurtër për t’iu përkushtuar jetës familjare, artistja e njohur Dafina Zeqiri është gati për një rikthim të fuqishëm në skenën muzikore.
Këngëtarja ka njoftuar se po xhiron videoklipin e saj të parë që prej lindjes së fëmijës, një moment që e ka cilësuar si shumë të veçantë në jetën e saj.
Lajmin e ka ndarë vetë Dafina përmes një videoje në TikTok, ku shfaqet e emocionuar për këtë hap të ri në karrierë.
Jemi të lumtur, pasi nesër do të xhirojmë videoklipin e parë muzikor që kur linda fëmijën
-shkroi ajo, duke shtuar se mezi pret që fansat ta shohin rezultatin final.
Ky projekt i ri shënon fillimin e një kapitulli të ri për këngëtaren, e cila tashmë po balancon me sukses rolin e nënës dhe atë të artistes.
Kujtojmë se disa muaj më parë, Dafina publikoi këngën “Faya”, që u prit ngrohtë nga publiku, por pa një videoklip shoqërues.
Tani, me energji të reja dhe frymëzim të freskët, Dafina është gati të rikthehet në qendër të vëmendjes me një projekt që, sipas fansave, pritet të jetë ndër më të fuqishmit e saj.
