Channing Tatum dhe modelja Inka Williams kanë zyrtarizuar lidhjen e tyre përmes një postimi në Instagram.
Në një foto të ndarë në Instagram Story, me rastin e ditëlindjes së aktorit, Tatum shfaqet duke e puthur Williams.
Gëzuar për njeriun më të bukur, më të dashur, më të qeshur, më të çmendur dhe më të mrekullueshëm!!!
– shkroi modelja krahas fotos, duke shënuar kështu daljen e parë publike të çiftit në rrjetet sociale.
Faleminderit që e bën jetën të bukur dhe plot argëtim
Në të njëjtin postim, Williams ndau edhe një moment të ëmbël mes Tatum dhe vajzës së tij 11-vjeçare, Everly, të cilën aktori e ka me ish-bashkëshorten Jenna Dewan.
Tatum dhe Dewan ishin të martuar nga viti 2009 deri në 2019.
Pas ndarjes, Dewan u martua me aktorin Steve Kazee dhe aktualisht janë prindër të një djali pesëvjeçar, Callum, dhe një vajze 10-muajshe, Rhiannon.
Pas divorcit, Channing Tatum ka qenë në lidhje me këngëtaren Jessie J dhe më pas me aktoren Zoë Kravitz, me të cilën qëndroi për tre vjet para se të ndaheshin vitin e kaluar.
