Si çdo fundvit Top Albania Radio sjell një larmi programesh që do t’ju shoqërojnë gjatë gjithë ditës më 31 dhjetor. Të martën e fundit të këtij viti e nisim me një transmetim 5 orësh me “Maratona e 100 Këngëve”.
Të gjithë folësit e Top Albania Radios do të mblidhen jo vetëm për t’ju prezantuar hitet e vitit, shqiptare e të huaja apo këngën më të pëlqyer por gjithashtu për të ndarë me ju kujtimet e 2019-ës dhe ngjarjet sa të bukura e të vështira që kemi përjetuar.
