Përshtati lokalin me qira për të organizuar lojëra fati të ndaluara, në pranga administratori dhe pesë shtetas që u kapën duke luajtur poker në Fier. Policia njofton se sekuestroi shuma parash, çipsa, një tavolinë pokeri e sende të tjera. Materialet procedurale i kaluan Prokurorisë.
Njoftimi zyrtar:
Finalizohet nga shërbimet e Komisariatit të Policisë Fier në bashkëpunim me Forcën e Posaçme Operacionale të DVP Fier operacioni i koduar “Poker”. Kishte përshtatur lokalin e marrë me qera për të organizuar lojëra fati poker, vihet në pranga administratori i lokalit. Në pranga dhe pesë shtetas të tjerë që u kapën në flagrancë duke luajtur poker. Sekuestrohen shuma parash, çipsa, një tavolinë pokeri dhe sende të tjera.
Shërbimet e Komisariatit të Policisë Fier në bashkëpunim me Forcën e Posaçme Operacionale të DVP Fier në kuadër të kontrolleve për parandalimin e veprimtarisë së paligjshme të lojrave të fatit, kanë finalizuar operacionin “Poker”, dhe arrestuan shtetasit:
– E. V., 47 vjeç, H. K., 32 vjeç, M. B., 26 vjeç, A. T., 42 vjeç, E. Xh., 34 vjeç, dhe K. H., 35 vjeç, të gjithë banues në fshatin Mbyet, Fier.
Këta shtetas u kapën në flagrancë në lokalin e shtetasit E. V., duke luajtur poker.
Në vijim të veprimeve procedurale specialistët për Hetimin e Krimeve të Komisariatit të Policisë Fier arrestuan shtetasit e mësipërm për veprën penale “Organizimi ose ushtrimi i veprimtarive të lojërave të fatit në kundërshtim me ligjin”, dhe “Vënia në dispozicion e lokaleve për lojëra të palejuara”. Materialet procedurale i kaluan Prokurorisë për veprime të mëtejshme.
