Protesta e demokratëve nisi me tensione, të cilat u përshkallëzuan më tej me hedhjen e vazhdueshme të molotovëve.
Mbështetësit demokratë kanë sulmuar edhe selinë e PS-së me molotovë, një automjet i policisë është përfshirë nga flakët.
Më pas policia i ka shpërndarë me presionin e ujit dhe gazin lotsjellës.
Ata fillimisht sulmuan Kryeministrinë dhe më pas Ministrinë e Brendshme dhe atë të Infrastrukturës.
Forca të shumta policie janë vendosur në disa zona të kryeqytetit. Rreth 1500 efektivë janë angazhuar në terren. Pas molotovëve të hedhur drejt ish-vilës së diktatorit Enver Hoxha në protestën e 20 shkurtit, sot është vendosur gardh metalik në rrugët hyrëse për në ish bllok.
