Aktorja ikonike Sarah Jessica Parker ka konfirmuar se nuk do të marrë pjesë në Met Gala 2025, duke befasuar fansat e saj që e kanë parë gjithmonë si një nga yjet më të spikatura të tapetit të kuq.
Në një intervistë për “Entertainment Tonight”, ylli i “Sex and the City” tha se angazhimet në punë nuk i lejojnë të jetë pjesë e eventit madhështor këtë vit, megjithatë ajo mbetet entuziaste për të ndjekur zhvillimet nga larg. Parker u shpreh:
Duhet të punoj… por mezi pres të shoh çfarë do të bëjnë të gjithë. Jam shumë e interesuar dhe dua ta nderoj vërtet punën e kuratorëve dhe gjithë atyre që janë frymëzuar nga ky moment
Met Gala 2025 do të mbahet të hënën, më 5 maj, me temën “Superfine: Tailoring Black Style”, një ekspozitë që vlerëson elegancën dhe ndikimin e stilit të zezakëve në modë.
Sarah Jessica Parker ka qenë një pjesëmarrëse e rregullt në këtë ngjarje që nga viti 1995, kur debutoi me një fustan të zi të blerë në një dyqan me rroba të përdorura – një zgjedhje që habiti publikun dhe e shënoi si ikonë stili që në hapat e parë të paraqitjes së saj në Met Gala.
Kjo është hera e parë pas shumë vitesh që Parker do të mungojë në një nga mbrëmjet më të rëndësishme të modës botërore.
