Seksi shpesh perceptohet si një akt fizik apo burim kënaqësie momentale, por studimet tregojnë se ndikimi i tij shkon shumë më thellë. Gjatë intimitetit, truri lëshon hormone si oksitocina, dopamina dhe serotonina, të cilat ndikojnë drejtpërdrejt në lidhjen emocionale mes partnerëve.
Sipas një studimi të publikuar në “Journal of Sexual Medicine”, oksitocina, e njohur si “hormoni i lidhjes”, rrit ndjeshëm ndjenjën e besimit dhe afërsisë pas kontaktit seksual, veçanërisht te gratë.
Kjo shpjegon pse shumë njerëz ndihen emocionalisht të lidhur pas seksit, edhe kur lidhja nuk ka qenë e menduar si serioze.
Psikologët theksojnë se kur seksi shoqërohet me komunikim dhe siguri emocionale, ai forcon marrëdhënien.
Në të kundërt, mungesa e këtij konteksti mund të krijojë konfuzion emocional, zhgënjim ose ndjesi boshllëku.
