Rachel Zegler u shpreh se ishte një nder shumë i madh të luante Borëbardhën në filmin e ri live-action. Ajo e quajti filmin origjinal të vitit 1937 të çuditshëm dhe të vjetëruar dhe e cilëson mundësinë që i është dhënë si diçka shumë të bukur. “Ishte nderi i një jete. Unë mendoj se çdo i ri ëndërron për një telefonatë të tillë. Ky është sigurisht tepër i veçantë si një fans i madh i Disney,”-tha ajo në episodin e së enjtes të ‘Good Morning America’.
Zegler vazhdoi duke lavdëruar filmin dhe tha:
Të arrish ta sjellësh atë në jetë në një mënyrë kaq unike dhe kaq të veçantë, është thjesht një mundësi e bukur dhe unë jam shumë e nderuar. E gjitha ka të bëjë me kalimin e një klasike në një epokë moderne për ta sjellë atë tek këta të rinj të bukur. Superfuqia e saj mbetet zemra e saj, e dini, kjo ka qenë gjithmonë thelbi i kësaj historie. Ky ka qenë gjithmonë thelbi i kompanisë Disney.
Zegler tha se filmi është për fëmijën e brendshëm në të gjithë ne. Fituesja e Golden Globe e ndau mesazhin pasi më parë u përball me reagime të forta pasi e quajti versionin e animuar të çuditshëm dhe jashtëzakonisht të vjetëruar. “Karikatura origjinale doli në vitin 1937. Ka një fokus të madh në historinë e saj të dashurisë me djalin që fjalë për fjalë e ndjek atë”-tha ajo.
Në një intervistë tjetër në vitin 2022, Zegler pranoi se ajo ishte e frikësuar nga filmi vizatimor origjinal dhe e kishte parë atë vetëm një herë. Përveç opinioneve të saj të diskutueshme për filmin origjinal, Zegler u përball gjithashtu me kritika për pikëpamjet e saj të hapura politike dhe aktivizmin pro-palestinez.
