Partneri i Rihannas, ASAP Rocky, po përballet me një padi prej rreth 950 mijë eurosh pas një përmbytjeje që shkaktoi dëme në apartamentin e fqinjit të tij në New York. Pronari i apartamentit poshtë njësisë së reperit pretendon se një rrjedhje uji në dhjetor 2024 e bëri banesën e tij plotësisht të pabanueshme. Sipas padisë, përmbytja ndodhi kur punëtorët e ADE Pro Painting hapën dritaret për të ajrosur apartamentin gjatë punimeve, duke shkaktuar ngrirje dhe shpërthim të tubave të ujit.
Dëmi përfshin pajisje, orendi dhe sende personale, me vlerë të paktën 610 mijë euro, ndërsa pronari ka shpenzuar edhe 173 mijë euro për akomodim alternativ. Padia fajëson për incidentin ASAP Rocky-n, kontraktorin ADE Pro Painting dhe bordin e ndërtesës, duke kërkuar kompensim minimal prej 780 mijë euro nga reperi dhe 173 mijë euro nga bordi. Ky incident vjen pas një periudhe të trazuar për reperin, i cili u lirua në shkurt nga akuza për armëmbajtje pa leje dhe është rikthyer në jetën familjare pas lindjes së vajzës Rocki Irish Mayers me Rihanna-n.
Rihanna dhe A$AP Rocky kanë mirëpritur fëmijën e tyre të tretë, duke e bërë edhe një herë lajmin kryesor në botën e showbiz-it. Vajza e çiftit, e quajtur Rocki Irish Mayers, erdhi në jetë më 13 shtator 2025, duke ndjekur traditën e familjes që çdo emër të fillojë me shkronjën “R”. ASAP Rocky, një nga figurat më të njohura të industrisë së hip-hop-it, është gjithashtu një sipërmarrës dhe stilist i suksesshëm.
Me një karrierë të pasur që përfshin muzikë, modë dhe bashkëpunime me marka kryesore, reperi ka arritur të grumbullojë një pasuri të konsiderueshme gjatë viteve. Nëpërmjet suksesit të tij në muzikë dhe shërbimeve të tij si stilist, ASAP Rocky ka krijuar një imazh të fortë. Megjithatë, edhe pse Rihanna është ajo që ka një pasuri më të madhe nga kjo marrëdhënie, ASAP ka gjithashtu një pasuri të konsiderueshme që vlerësohet në 20 milionë dollarë (rreth 19 milionë euro).
