Muzika dhe futbolli do të ndërthuren në një spektakël emocionesh këtë verë, teksa Robbie Williams është emëruar “Ambasador i Muzikës” nga FIFA për Kupën e Botës për Klube 2025, që nis të shtunën në Miami.
Ylli britanik ka krijuar këngën zyrtare të turneut, të titulluar “Desire” — një himn plot energji dhe pasion që do të pasqyrojë shpirtin e futbollit në mbarë botën.
Kënga do të prezantohet për herë të parë më 14 qershor, përpara ndeshjes hapëse të turneut.
Pjesë e këtij projekti muzikor do të jetë edhe këngëtarja e njohur italiane, Laura Pausini, të cilën Robbie e ka ftuar personalisht për të sjellë interpretimin e saj të veçantë në këtë duet.
Të jem pjesë e kësaj kënge është një nder për mua. “Desire” përçon emocione të forta dhe është një moment unik për çdo tifoz futbolli
-u shpreh Pausini.
Ky bashkëpunim vjen menjëherë pasi Robbie ka përmbyllur me sukses turneun e tij “BRITPOP” në Mbretërinë e Bashkuar dhe ka paralajmëruar publikimin e albumit të ri me të njëjtin titull brenda këtij viti.
Futbolli dhe muzika janë gati të sjellin një verë të paharrueshme — dhe kjo është vetëm fillimi!
