Robbie Williams ka marrë pjesë në premierën e filmit të tij “Better Man” të mërkurën, duke e shoqëruar ngjarjen me një buzëqeshje, pavarësisht periudhës së vështirë që po kaon prej diagnozës së nënës së tij, Janet, me demencë.
Këngëtari 50-vjeçar mori pjesë në ngjarjen që u mbajt në Leicester Square, Londër, së bashku me gruan e tij, Ayda Field, me të cilën eci me gëzim në tapetin e kuq.
Robbie u shfaq i veshur me një xhaketë gri me vija dhe një element argjendi në shpatulla, të cilën e kombinonte me pantallona gri, ndërsa Ayda, 45 vjeç, tërhoqi vëmendjen me një fustan të zi pas trupit që i theksonte figurën.
Një tjetër mysafire e njohur në premierë ishte ish-e dashura e Robbie-t, Nicole Appleton, e cila kishte veshur një fustan të kuq me mëngë të shkurtra dhe jakë të lartë, ndërsa Holly Willoughby mbërriti me një fustan të shkurtër të zi me një dekolte të thellë.
Të pranishëm ishin edhe shumë figura të tjera publike, si Nicola Roberts, Lisa Snowdon dhe Vicky McClure, të cilët po ashtu e shoqëruan ngjarjen me veshje të mrekullueshme.
Robbie dhe Nicole kishin një lidhje në vitet ’90, dhe Nicole është një nga personazhet që shfaqet në filmin “Better Man”, ku është portretizuar nga aktorja Raechelle Banno. Këngëtari ka folur më parë për periudhën e vështirë që ka kaluar pas ndarjes dhe tragjedive personale që ai ka përjetuar, duke përfshirë ndihmën e tij për vendimet e ish të dashurës së tij lidhur me abortin që ajo ka përshkruar në autobiografinë e saj.
Në vitin 2020, Robbie ka ndarë shqetësimin për diagnozën e babait të tij, Pete, me sëmundjen parkinson, dhe gjithashtu ka folur për situatën e vështirë që po kalon me nënën e tij, tani e prekur nga demenca.
Ai ka shprehur vazhdimisht shqetësimet e tij për të dy prindërit e tij, veçanërisht në një kohë të vështirë kur ishte i izoluar nga ata për shkak të pandemisë.
Po ashtu, Ayda ka ndarë publikisht përvojën e saj të dhimbshme, pasi e ëma e saj, Gwen, ka pasur rikthim të kancerit të qafës së mitrës, pas një historie me kancerin e gjirit dhe sëmundje të tjera.
“Better Man”, një histori mbi jetën e këngëtarit, ka qenë në punë që nga viti 2021 dhe do të publikohet më 26 dhjetor. Filmi është regjistruar nën regjinë e Michael Gracey, i njohur për punën e tij te “The Greatest Showman”, dhe tregon rrugëtimin e Robbie-t nga fëmijëria deri në arritjet e tij si një artist solo i suksesshëm.
