Nick Reiner, djali i regjisorit dhe producentit të njohur hollivudian Rob Reiner, është rikthyer në qendër të vëmendjes mediatike jo vetëm për akuzat e rënda që rëndojnë mbi të, por edhe për një rrëfim tronditës nga e kaluara e tij, i bërë publik në një intervistë të vjetër që ka rishfaqur së fundmi.
Rreth tetë vite përpara se 32-vjeçari të arrestohej nën dyshimet për vrasjen e prindërve të tij, Nick Reiner kishte pranuar se kishte vjedhur 200 dollarë nga prindërit për të paguar një prostitutë, me qëllim që të humbiste virgjërinë kur ishte ende adoleshent.
Në intervistën e rikthyer në qarkullim, ai kishte treguar se kishte përdorur paratë e të atit për të sjellë një prostitutë në shtëpinë familjare, duke e përshkruar episodin si një moment të errët të jetës së tij dhe shenjë të problemeve që e shoqëronin që në moshë të re.
Ngjarja merr një tjetër dimension dramatik pas zhvillimeve të fundit. Rob Reiner, 78 vjeç, dhe bashkëshortja e tij Michele Reiner, 70 vjeçe, u gjetën të pajetë të dielën në rezidencën e tyre luksoze në Los Angeles. Autoritetet konfirmuan se shkaku i vdekjes për të dy ishte “plagë të shumta nga mjete prerëse”, ndërsa rasti është klasifikuar zyrtarisht si vrasje.
Sipas të dhënave të Departamentit të Ekzaminimit Mjeko-Ligjor të Qarkut të Los Angeles-it, të dy humbën jetën në banesën e tyre dhe trupat janë gati për t’u dorëzuar familjarëve.
Nick Reiner është arrestuar dhe përballet me akuza të rënda në lidhje me vrasjen e dyfishtë të prindërve të tij. Çështja vazhdon të hetohet, ndërsa publiku dhe mediat ndjekin nga afër çdo zhvillim të ri të këtij rasti tronditës që ka shokuar Hollivudin.
