Gjumi është një nga faktorët më të rëndësishëm për zhvillimin fizik, emocional dhe mendor të çdo foshnje. Megjithatë, për shumë prindër, dallimi i shenjave të lodhjes tek të vegjlit nuk është gjithmonë i lehtë.
Ekspertët theksojnë se një foshnjë e lodhur bie në gjumë shpejt sapo qetësohet, por nëse lodhja është e tepërt, ajo mund të bëhet nervoze dhe të ketë vështirësi për të fjetur. Prandaj, është e rëndësishme të njihen shenjat e para të lodhjes dhe të veprohet në kohë.
Orari i rekomanduar i gjumit sipas moshës:
- 6 muaj: 3 herë gjumë gjatë ditës – i pari rreth 2 orë pas zgjimit (1.5 orë), i dyti pas 2 orësh (deri në 2 orë), dhe një sy gjumë i tretë rreth orës 17:00.
- 1 vjeç: 2 herë gjumë gjatë ditës – i pari rreth 3 orë pas zgjimit (30 minuta), i dyti pas 2–3 orësh (deri në 2 orë).
- 18 muaj+: 1 sy gjumë në ditë, që zgjat 1–2 orë.
Një rutinë e qëndrueshme e gjumit dhe një ambient i qetë ndihmojnë fëmijët të flenë më lehtë dhe të kenë gjumë cilësor, duke kontribuar në shëndetin e tyre afatgjatë.
