Samsung ka prezantuar modelin më të ri të televizorit të dedikuar për sektorin e mikpritjes, HU8000F, gjatë ngjarjes teknologjike HITEC 2025 në Indianapolis.
Ky televizor i avancuar ofrohet në gjashtë madhësi të ndryshme – nga 43 deri në 85 inç – dhe përmban teknologji të fundit, përfshirë Google Cast të integruar dhe procesorin Crystal 4K.
Falë HDR10+ dhe Dynamic Crystal Color, HU8000F siguron cilësi të lartë të imazhit dhe ngjyra të pasura.
Dizajni i hollë “AirSlim” i jep një pamje elegante dhe moderne, ndërsa platforma Tizen OS lejon akses të lehtë në aplikacione si Netflix, Prime Video dhe Samsung TV Plus.
Televizori është gjithashtu i pajisur me SmartThings Pro dhe Samsung LYNK Cloud, të cilat u japin menaxherëve të hoteleve mundësi për menaxhim të centralizuar dhe personalizim të përvojës së mysafirëve.
Integrimi i Google Cast lejon përdoruesit të transmetojnë përmbajtje direkt nga pajisjet e tyre, pa pasur nevojë për pajisje shtesë – një lehtësi e madhe për sektorin e mikpritjes. Samsung ka njoftuar gjithashtu se kjo veçori do të bëhet e disponueshme si përditësim për modelet ekzistuese HBU8000.
