CEO i Meta, Mark Zuckerberg ka zbuluar rutinën e tij të veçantë të mëngjesit, të cilën ai thotë se ka qenë çelësi i transformimit të tij nga një programues i thjeshtë në një miliarder. Në një intervistë të kohëve të fundit në podcastin This Past Weekend, CEO i Meta rrëfeu se ai e shmang plotësisht kafenë, refuzon “kimikatet” dhe i fillon ditët e tij duke ‘luftuar’.
“Zgjohem në mëngjes dhe luftoj me njerëz”-tha Zuckerberg, duke iu referuar “seancave të tij intensive dyorëshe të jiu-jitsu braziliane”, pasionit të tij të ri sportiv. Larg nga ndjekja e gjurmëve të manjatëve të tjerë të teknologjisë që kanë pranuar se përdorin kanabis ose substanca psikedelike, Zuckerberg preferon suplemente më konvencionale si kreatina dhe vitamina D. Përjashtimi i tij i vetëm me kafenë është me pushime, dhe edhe atëherë, ai e pi atë “për qëllime rekreative”.
Ai gjithashtu dallohet për konsumimin e sasive të mëdha të proteinave në mëngjes, megjithëse nuk specifikoi se sa. Kjo dietë dhe rutinë fizike duket se kanë dhënë fryte. Në vitin 2023 ai mori pjesë në turne jiu-jitsu, duke fituar medalje. Ai gjithashtu përfundoi “Murph Challenge” sfiduese, duke përfunduar në 200 më të mirët midis dhjetëra mijëra pjesëmarrësve. Ndërkaq, gjatë një konference për zhvilluesit e Inteligjencës Artificiale të Meta-s, CEO, Mark Zuckerberg zbuloi plane ambicioze për përdorimin e AI-së në zhvillimin e softuerit.
Në një bisedë kryesore me CEO-n e Microsoft-it, Satya Nadella, Zuckerberg parashikoi që deri vitin e ardhshëm, Inteligjenca Artificiale mund të jetë përgjegjëse për deri në 50% të kodit të shkruar te Meta. Nadella tha se AI tashmë shkruan 20-30% të kodit në Microsoft dhe disa projekte janë tërësisht të gjeneruara nga AI.
