Një takim i papritur ka ndezur përsëri vëmendjen e mediave rozë: Selena Gomez dhe Hailey Bieber u gjendën rastësisht në të njëjtin event në Los Angeles, vetëm disa orë pasi këngëtarja 33-vjeçare kishte bërë komente të ashpra për bashkëshorten e Justin Bieber.
Të dyja morën pjesë në Galën e Muzeut të Akademisë 2025, ku, përveç elegancës së tyre në tapetin e kuq, ajo që ra më shumë në sy ishte shmangia e kujdesshme që i bënë njëra-tjetrës gjatë gjithë mbrëmjes.
Kjo ishte paraqitja e tyre e parë publike pas martesës intime që u zhvillua muajin e kaluar, me praninë e ngushtë të miqve të saj më të afërt, përfshirë Taylor Swift.
Nga ana tjetër, Hailey, 28 vjeçe, u shfaq mahnitëse me një fustan me korse dhe detaje sateni, por këtë herë pa Justin-in në krah.
Modelja ishte e shoqëruar nga mikja e saj Kendall Jenner, me të cilën pozoi përpara kamerave për disa momente përpara se të ndaheshin për pozat individuale.
Pavarësisht tensioneve të përfolura ndër vite mes dy grave, të cilat kanë ndarë një histori të përbashkët me këngëtarin e hitit “Peaches”, të dyja ruajtën një qëndrim të qetë dhe profesional, pa shkëmbyer asnjë kontakt të drejtpërdrejtë.
Për shumë fansa, ky “takim” në tapetin e kuq u pa si një tjetër kapitull i heshtur në marrëdhënien e ndërlikuar mes dy ikonave të showbiz-it, që vazhdojnë të mbeten në qendër të vëmendjes për gjithçka që bëjnë – apo shmangin të bëjnë.
