Kompania britanike Megabus ka zbuluar disa nga sendet më të çuditshme të harruara në autobusët e saj. Ndër to përfshihen një gjeldeti i ngrirë dhe jo vetëm. Gjatë muajit maj, u gjetën gjithashtu një arush Winnie the Pooh, një kavanoz me mjaltë dhe një kitarë. Rreth 95% e sendeve të humbura rikthehen te pronarët, ndërsa të tjerat dhurohen për bamirësi pas 28 ditësh. Udhëtarët mund të raportojnë humbjet përmes faqes zyrtare të kompanisë.
Ndërkaq, t’i thuash ‘përshëndetje’ shoferit të autobusit, rrit mirëqenien e tyre por vetëm një në pesë prej nesh e bën këtë, sipas një raporti. Të dhënat e reja sugjerojnë se vetëm 23 për qind e njerëzve e pranojnë shoferin e tyre të autobusit kur hipin dhe më pak se një në 10 e pranojnë këtë kur zbresin. Por këto ndërveprime të vogla mund ta bëjnë shoferin tuaj më të lumtur, thonë ekspertët.
Dhjetra shoferë autobusësh në Londër, të cilët u intervistuan si pjesë e hulumtimit, thanë se pasagjerët që i përshëndesin me ‘mirëmëngjes’ ose ‘faleminderit’ kanë një ndikim pozitiv në lumturinë dhe kënaqësinë e tyre në punë. Ata thanë se kjo i bënte të ndiheshin të ‘respektuar’, ‘të parë’ dhe ‘të vlerësuar’.
