NASA thotë se një mostër shkëmbi e mbledhur nga roveri i saj Perseverance Mars në Kraterin Jezero mund të përmbajë prova të jetës së lashtë mikrobike në Mars. Roveri zbuloi një shkëmb të quajtur Ujëvarat Cheyava në korrik 2024. Mostra, e quajtur Kanioni Sapphire, tregon atë që shkencëtarët e përshkruajnë si biofishnkrita “potenciale”, substanca ose struktura që mund të kenë një origjinë biologjike, por kërkojnë më shumë studim.
Administratori në detyrë i NASA-s, Sean Duffy, tha se shkencëtarët e agjencisë besojnë se kjo mund të jetë shenja më e qartë e jetës që është gjetur ndonjëherë në Mars. Zbulimi zgjeron mundësinë që Marsi mund të ketë qenë i banueshëm më gjatë sesa mendohej dikur. Gjatë një konference për shtyp, autori kryesor i studimit Joel Hurowitz i Universitetit Stony Brook tha: “Në fund të fundit, ne duhet ta sjellim mostrën përsëri në Tokë në mënyrë që të mund të përcaktojmë se cilat procese çuan në këto tekstura fantastike.”
Ndërkaq, kërkesa e presidentit amerikan Donald Trump për buxhetin e NASA-s për vitin fiskal 2026 nuk financon programin origjinal të kthimit të mostrave. Megjithatë, administratori thotë se agjencia do të marrë në konsideratë buxhetin, kohën dhe teknologjinë që ka për të marrë mostrat mbrapsht më shpejt. Prej dekadash, ligji në Shtetet e Bashkuara ka ndaluar avionët të fluturojnë mbi shpejtësinë Mach 1, kufiri supersonik, për të shmangur ndotjen akustike nga “boom”-et e zhurmshme.
Përjashtim ishte Concorde, avioni legjendar supersonik që u tërhoq nga qarkullimi në vitin 2003. Sot, 22 vite më vonë, duket se aviacioni është pranë një kthese historike, nisja e një epoke të re fluturimesh supersonike komerciale. Në Kongresin amerikan është paraqitur një projektligj që synon ndryshimin e kësaj ndalese, duke hapur rrugën për linja supersonike mbi SHBA dhe fluturime transkontinentale më të shpejta.
Paralelisht, në industrinë e aviacionit po zhvillohen dy projekte madhore. NASA po teston avionin eksperimental X-59, i cili pritet të kryejë fluturimet e para provë në fund të vitit 2025. Ky avion inovativ synon të zëvendësojë shpërthimin tipik supersonik me një zhurmë shumë më të butë, të përshkruar si një “goditje e shurdhët”. Ndërkohë, kompania Boom Supersonic po zhvillon Overture, avionin e parë të pasagjerëve supersonik pas Concorde-it.
