Dinamikat në shtëpinë e Big Brother VIP Albania 5 janë përshkallëzuar ndjeshëm, duke krijuar përçarje të forta mes banorëve. Grupi tashmë duket i ndarë në dy kampe, ndërsa miqësitë e dikurshme po kthehen në përballje të hapura.
Raporti mes Brikenës dhe Juelës duket se është thyer përfundimisht. Konflikti nisi pasi Juela i mori Brikenës cigaret, por situata mori përmasa më të mëdha kur ajo hodhi në pishinë “Bolin”, arushin që Brikena kishte marrë dhuratë nga Mateo.
Veprimi i saj solli reagim të menjëhershëm nga Selina, e cila shpërtheu në ofendime të ashpra, duke e akuzuar Juelën për xhelozi dhe mungesë dashurie. Atmosfera u ndez edhe më shumë pas debateve të vazhdueshme mes Juelës, Brikenës dhe Mateos.
Tensioni arriti kulmin kur Juela e hodhi për herë të dytë arushin në pishinë, duke shtuar dramën dhe duke përkeqësuar marrëdhëniet mes banorëve. Përpjekjet e të tjerëve për të qetësuar situatën nuk patën shumë efekt, pasi klima mbeti e rënduar.
Ky episod konsiderohet një nga momentet më të forta të këtij sezoni, ndërsa produksioni ka njoftuar edhe anulimin e televotimit të së shtunës, një vendim që ka shtuar edhe më shumë pikëpyetje mbi zhvillimet e ardhshme në shtëpi.
