E zeza vlerësohet për elegancën e saj të përmbajtur dhe për veshshmërinë pa kohë, por nuk është gjithmonë zgjedhja e parë kur bëhet fjalë për stilin veror. Megjithatë, kjo ngjyrë klasike po dominon koleksionet e SS25, duke provuar se të zezat nuk janë të rezervuara vetëm për dimrin apo mbrëmjet elegante. Bukuria e saj qëndron në faktin se thekson formën dhe mjeshtërinë e çdo veshjeje. Sekreti është të kombinoni tekstura të ndryshme dhe prerje interesante për të krijuar pamje “all black” që duken të kuruara dhe plot karakter.
E zezë në qytet? Po, nëse zgjidhni materialet e duhura
Në vapën e qytetit, një bluzë e thurur mund të mos duket si zgjedhja më praktike, por në të vërtetë është më komode sesa mendoni. Topi ‘Martina’ i Veronica de Piante, i punuar nga një voile e lehtë me lesh të imët dhe i zbukuruar me kupa delikate Chantilly, është një shembull perfekt. Kombinojeni me fundin me prerje A-line ‘The Kyria’ të Suzie Kondi, balerinat prej lëkure të butë ‘Stella’ nga Le Monde Béryl dhe shumë aksesorë argjendi për një efekt të sofistikuar dhe të freskët.
Stil profesional me rehati verore
Për zyrën, kërkoni veshje që ju mbajnë të freskët, por që ruajnë një pamje të kuruar dhe profesionale. Fustani maxi nga Matteau është zgjidhja ideale, falë prerjes së lirshme dhe belit të ngritur, krijon një siluetë të butë dhe elegante. Stilojeni me sandalet ‘Jalen’ të A Emery dhe çantën ‘Ola’ nga bashkëpunimi Loewe + Paula’s Ibiza, me detaje lëkure dhe përmasa kompakte, mjaftueshëm për telefonin, çelësat dhe syzet D-frame nga Saint Laurent Eyewear.
Fundjava? Zgjidhni pamje të rehatshme, por me stil
Fundjavat kërkojnë veshje të thjeshta, por të menduara me kujdes. Këmisha ‘Neville’ nga Nili Lotan, prej pambuku të lehtë dhe e qëndisur me lule të vogla, ofron një formë të lirshme dhe elegante. Ajo kombinohet bukur me funde apo pantallona xhins,si për shembull pantallonat e shkurtra me copa të grisura nga Citizens of Humanity, pjesë e koleksionit NET SUSTAIN. Futeni këmishën pjesërisht në pantallona për një pamje relaksuese, shtoni rripin prej lëkure nga Déhanche për të theksuar belin dhe përfundoni me mokasinet klasike të Saint Laurent.
Stil i relaksuar veror me elemente të rafinuara
Për një pamje verore që është njëkohësisht komode dhe e kuruar, zgjidhni topin ‘Aphra’ me detaje të qendisura nga Dôen dhe kombinojeni me pantallonat e gjëra ‘Aurora’ nga Citizens of Humanity, me bel të rregullueshëm me lidhëse, janë perfekte për ditët e gjata. Për të plotësuar pamjen, zgjidhni një palë syze nga bashkëpunimi Oliver Peoples x Khaite, me dizajn retro në formë cat-eye dhe prekje “cool” të Nju Jorkut. Dhe si përfundim, sandalet ‘Paton’ nga A. Emery do të jenë një investim afatgjatë në garderobën tuaj.
