Aktorja e njohur kolumbiane Sofia Vergara, 53 vjeçe, ka surprizuar ndjekësit e saj duke u shfaqur rrallë në publik me motrën e saj më të vogël, Sandra Vergara, 37 vjeçe – e cila sapo është bërë pjesë e kastit të sezonit të ri të serialit të famshëm të Netflix, “Selling Sunset”.
Dyshja mori pjesë në festën Toty në Miami, ku të dyja mahnitën me elegancën e tyre. Sofia zgjodhi një fustan ngjyrë korali me dekolte të thellë, ndërsa Sandra u shfaq me një fustan rozë të zbehtë, duke tërhequr vëmendjen e mediave dhe fansave.
Familje! Vetëm në Miami mund të argëtohesh kaq shumë!
-shkroi Sofia në një postim në Instagram, ku ndau disa foto nga mbrëmja.
Në event ishin të pranishëm edhe anëtarë të tjerë të familjes Vergara dhe miq të afërt të aktores.
Sipas DailyMail, Sandra, e cila është agjente pasurish të paluajtshme dhe aktore, ka marrë më parë pjesë në seriale si “The Bold and the Beautiful” dhe “CSI”.
Edhe pse kanë një lidhje të ngushtë, Sofia dhe Sandra rrallë shfaqen bashkë publikisht.
Në fakt, Sandra është kushërira e Sofias, por u adoptua nga familja e saj kur ishte e vogël, duke u rritur si motra e saj e dytë.
Roli i Sandrës në “Selling Sunset” është pritur me entuziazëm nga publiku. Ajo ka premtuar se do të sjellë “më shumë shkëlqim, energji dhe dramë” në sezonin e ri të serialit të njohur të Netflix.
