Arkimed Lushaj, i njohur si Stresi, vazhdon të mbështesë këngëtarin Gjesti pas largimit të tij nga “Big Brother VIP Kosova 3”.
Pas eliminimit nga ky edicion i reality show-t, Gjesti i surprizoi të gjithë kur u shfaq në edicionin e katërt të “Big Brother VIP Albania”.
Me këtë rast, Stresi e përshëndeti me një mesazh të ngrohtë dhe inkurajues, duke shkruar:
Ka puls. Mirë se vjen në shtëpi, Gjestinjo, shijoje
Gjesti bëri bujë përpara hyrjes së tij në “Big Brother Albania” me një video ku shfaqej duke thënë:
Jam i lodhur, por sërish ka puls
– një deklaratë që reflektonte vendosmërinë dhe energjinë e tij për të vazhduar përpara.
Gjatë kohës që ka qëndruar në shtëpi, ai ka fituar zemrat e publikut me karakterin e tij tërheqës dhe sjelljen pozitive, duke u mbështetur edhe nga figura të njohura, mes tyre edhe Stresi.
