Anemia është një nga çrregullimet më të përhapura të gjakut dhe ndodh kur trupi nuk ka mjaft rruaza të kuqe të gjakut për të transportuar oksigjenin në mënyrë efikase. Mungesa e hekurit, vitaminës B12 ose acidit folik janë shkaqet më të zakonshme. Kjo gjendje mund të shkaktojë lodhje të vazhdueshme, marramendje, zbehje të fytyrës dhe buzëve, ftohje të duarve dhe këmbëve, dhimbje koke dhe përqendrim të dobët. Për të ndihmuar trupin në prodhimin e shëndetshëm të gjakut dhe për të përmirësuar qarkullimin, ky lëng natyral është një mbështetje e thjeshtë, efektive dhe e shijshme.
Përbërësit (1 racion) janë 2 dardha të pasura me vitaminë C, që ndihmojnë përthithjen e hekurit dhe kanë efekt diuretik të butë, ½ filxhani spinaq të freskët; burim i mirë i hekurit jo-hem, acid folik dhe klorofile, ½ filxhani sallatë të gjelbër; ndihmon në pastrimin e gjakut dhe balancimin e lëngjeve, 1 grusht i vogël majdanoz; përmban shumë hekur dhe vitaminë C; stimulon funksionin e veshkave, 1 shegë – e pasur me vitaminë C, e cila rrit përthithjen e hekurit në zorrë, 2-3 fletë nenexhik ose mente; freskuese dhe qetësuese për stomakun.
Lani mirë të gjithë përbërësit me ujë të ftohtë. Qëroni shegën dhe priteni në copa të vogla. Vendosini të gjithë përbërësit në blender. Bluajini për rreth 30-60 sekonda derisa të krijohet një përzierje homogjene. Kulloni nëse dëshironi një teksturë më të lëmuar, ose pijeni direkt për të përfituar fibrat. Pijeni këtë lëng në mëngjes, esëll, që përthithja e hekurit të jetë maksimale. Mos e kombinoni me produkte që pengojnë përthithjen e hekurit, si qumështi, çaji i zi apo kafeja, së paku për 1 orë pas konsumit. Mund ta përdorni për 7-10 ditë radhazi dhe pastaj të bëni pauzë. Ky lëng ndihmon gjithashtu në detoksifikimin e trupit, uljen e inflamacionit dhe largimin e tepricës së lëngjeve, që shpesh shkakton ndjenjën e rëndesës dhe fryrjes.
