Timothée Chalamet është parë të enjten në New York City, duke tërhequr sërish vëmendjen e publikut me pamjen e tij të re. Aktori 29-vjeçar, i cili prej disa muajsh është në qendër të mediave për lidhjen me Kylie Jenner, u fotografua duke mbuluar kokën me kapuç pas një takimi me partneren e tij gjatë një ndeshjeje të New York Yankees.
Chalamet u pa duke dalë nga Hoteli Fouquet në zonën e Tribeca-s dhe më pas u drejtua për në kinemanë Regal Times Square, ku prezantoi për fansat 30 minutat e para të filmit të tij më të ri, “Marty Supreme”.
Aktori kishte zgjedhur një veshje të thjeshtë, me bluzë të bardhë me kapuç, pantallona portokalli dhe çizme kafe, në një paraqitje që kombinonte stilin casual me elegancën karakteristike të tij.
Ndryshimi i tij në pamje ka ardhur pas një transmetimi në Instagram Live, ku Chalamet tregoi se kishte rruar kokën për rolin e ri, duke habitur ndjekësit.
Ndërsa disa e përgëzuan për guximin dhe transformimin, të tjerë thanë se mezi e njohën pa kaçurrelat e tij të famshme.
“Marty Supreme” rrëfen historinë e Marty Mauser, një të riu që ndjek ëndrrën për madhështi, dhe ka në kast emra të njohur si Gwyneth Paltrow, Odessa A’zion, Kevin O’Leary, Tyler, The Creator dhe Fran Drescher.
Chalamet po vazhdon turin promovues të filmit në New York, shpesh në shoqërinë e Kylie Jenner.
Çifti, që konfirmoi lidhjen në vitin 2023, është parë në disa evente sportive e premiere, duke u bërë një nga çiftet më të komentuar të momentit në Hollywood.
