Dwayne Johnson, i njohur ndryshe si The Rock, ka habitur ndjekësit me pamjen e tij të re, dukshëm më të hollë, gjatë pjesëmarrjes në Festivalin e Filmit në Venecia.
Aktori po promovon filmin e tij të ri biografik, “The Smashing Machine”, ku portretizon ish-luftëtarin amator dhe fighterin e MMA-së, Mark Kerr.
Për këtë rol, Johnson ka kaluar një transformim dramatik, duke përdorur prostetikë të dendura dhe një paruke të zezë, që e bëjnë pothuajse të pazbueshëm nga pamja e tij tradicionale.
Fotografitë e publikuara në rrjetet sociale kanë nxitur reagime të shumta, teksa fansat kanë vënë re humbjen e dukshme të peshës dhe reduktimin e masës muskulare.
Burime afër aktorit tregojnë se Johnson ka humbur rreth 60 paund, një ndryshim i konsiderueshëm për dikë që ka bërë karrierë duke u shfaqur gjithmonë me trupin e tij të njohur nga WWE.
Johnson ka folur hapur për aspiratat e tij për të shkuar përtej rolit të “yllit të aksionit” dhe për të u shfaqur si aktor i respektuar në drama serioze.
Pas suksesit në filma si “Jumanji”, “Moana” dhe saga “Fast and Furious”, ai tani synon të marrë vlerësime kritike dhe nominime për çmime prestigjioze, përfshirë një Oscar, për performancën në “The Smashing Machine”.
Filmi, prodhuar nga studioja indie A24, rrëfen historinë e Mark Kerr-it dhe sfidat e tij me varësinë nga substancat, jetën personale dhe karrierën në sportin e MMA-së gjatë periudhës kur wrestlingu ende nuk kishte fituar famë globale.
Në Festivalin e Filmit në Venecia, Johnson deklaroi se për herë të parë po merr pjesë në projekte që i përkasin vizionit të tij artistik, dhe jo vetëm kërkesave për sukses në box office.
Ky rol tregon një anë krejt të re të Dwayne Johnson, duke e prezantuar si një aktor që kërkon të sfidojë vetveten dhe të shpalosë aftësitë dramatike, larg imazhit të njohur të “superyllit” të aksionit.
Fansat dhe kritikët janë të etur të shohin se si ky transformim do të pasqyrohet në ekran dhe çfarë do të thotë për të ardhmen e karrierës së tij në Hollywood.
