Tesla është përfshirë së fundmi në një aksident të rëndë, këtë herë në Kaliforni, ku një defekt në sistemin autonom të asistencës në drejtimin e mjetit, i mori jetën shoferit në vendin e ngjarjes. Ndërsa kompania ka nisur hetimet për rastin përkatës, shumë prototipe të modelit S të Teslës u tërhoqën nga tregu, deri në përfundimin e tyre.
U deklarua se aksidenti me një kamion zjarrfikës dhe një Tesla të modelit 2014 në rajonin Contra Costa të Kalifornisë ishte aksidenti i 17-të fatal i këtij modeli elektrik, si pasojë e të cilit, një person ka humbur jetën dhe 4 të tjerë kanë mbetur të plagosur. Ndërsa NHTSA ka hapur më shumë se 36 hetime për Tesla që nga viti 2016, dyshohet se sistemi autonom i drejtimit është përdorur në 20 prej këtyre aksidenteve.
Pas incidentit, Tesla tërhoqi më shumë se 362.000 automjete në Shtetet e Bashkuara për të përditësuar funksionin e saj të drejtimit plotësisht autonom. Në Uashington, zyrtarët po diskutojnë për shtrëngimin e rregullave për automjetet dhe teknologjitë autonome.
Së fundmi, Tesla ka ulur çmimet për makinat e saj elektrike në Evropë, Izrael dhe Singapor, duke zgjeruar serinë e zbritjeve botërore të cilën e filloi në Kinë. Javën e kaluar, Tesla raportoi për një rritje prej vetëm 4% në dërgesat e saj për tremujorin e parë në krahasim me tremujorin e kaluar, pavarësisht ofrimit të zbritjeve në Shtetet e Bashkuara, Kinë, Australi dhe Kore të Jugut, me synimin e vetëm të nxitjes së kërkesave.