Kur po bëhen më shumë se 110 vite nga fundosja e Titanik-ut, publikohen pamje të reja të anijes famëkeqe që shfaqin pjesë të saj që nuk janë parë që prej mbytjes në 1912.
Video tregon harkun e njohur të anijes, zinxhirin 90 kilogramë të ankorimit, spirancën gjigante buzë portit dhe një kazan me një skaj që ra në fund të detit kur anija u nda në dysh dhe u fundos 12,500 metra në Atlantik më shumë se 110 vjet më parë.
Ekipi filmoi anijen historike në rezolucionin më të lartë të videos, afërsisht 8000 pikselë (8k), e cila i lejon ata të zmadhojnë zona të veçanta pa humbur cilësinë e imazhit. Ekspedita zgjati tetë ditë.
Videoja, e kapur nga kompania e ekskursioneve të zhytjes OceanGate Expeditions, zbulon një ‘nivel mahnitës detajesh’ dhe ngjyrash që nuk janë parë nga syri i njeriut që nga 12 prilli 1912.
