Nënshkrimi i autografëve, fotosesione të pafundme dhe marrja e çmimeve të shumëpritura nuk janë ato që përbëhet jeta e zakonshme e një aktori. Realiteti i tyre është shumë më ndryshe. Ata i përmbahen dietave të rrepta, mësojnë aftësi të reja dhe shpesh punojnë në kushte që nuk janë aspak komode. Ja disa prej tyre:
Blake Lively/ “The Shallows” (2016)
Aktorja luajti në një rol që i kërkonte asaj të vishte bikini vetëm disa muaj pas lindjes. Në mënyrë që të kthehej në formë, Blake Lively bënte stërvitje fizike për 13 orë në ditë.
Rooney Mara/”The Girl with the Dragon Tattoo” (2011)
Disa javë para fillimit të xhirimit të filmit, aktorja u zhvendos në Stokholm me dëshirën e saj në mënyrë që të merrte kohëm e mjaftueshme për të thithur atmosferën e qytetit ku jetonte karakteri i saj. Në mënyrë që të hynte plotësisht në rol, Rooney Mara lyu flokët e zeza si dhe bëri pirsing.
Hilary Swank/”Million Dollar Baby” (2004)
Aktorja u vlerësua me Oscar për rolin e Megi-t. Ajo stërvitej fort, bënte boks dhe ngrente pesha çdo ditë për disa orë. 
Jared Leto/”Dallas Buyers Club” (2013)
Aktori Jared Leto mësoi se si të përdorte buzëkuq dhe të bënte depilim të këmbëve dhe vetullave.
Ruth Wilson/”Dark River” (2017)
Para fillimit të xhirimit, Ruth Wilson jetoi dhe punoi në një fermë të vërtetë për 3 javë në mënyrë që të zhytej në një personazh që ishte rritur mes fermerëve. Aktorja duhej të kryente disa punë si qethje e kafshëve apo edhe tredhje qengjash.
