Aktorja e njohur Lupita Nyong’o ka marrë pjesë në tapetin e saj të kuq të parë pas ndarjes nga Selema Masekela. Ajo ishte e pranishme në GO Gala të GO Campaign 2023 të shtunën, vetëm dy ditë pasi njoftoi ndarjen e saj nga komentatori i njohur sportiv. Në event ishin të pranishëm gjithashtu Robert Pattinson, Suki Waterhouse dhe Robin Wright.
Për revistën e njohur People themeluesi dhe CEO Scott Fifer u shpreh se:
Ne gjejmë dhe verifikojmë heronj të jashtëzakonshëm vendas dhe i sjellim ata tek ju dhe ju themi, ‘Ndihmoni që ëndrrat e tyre të realizohen, ndihmoni në realizimin e vizionit të tyre dhe shpëtimin e jetëve të fëmijëve’. Heronjtë tanë vendas në mbarë botën, ata përfaqësojnë shpresën më shumë se kushdo që kam takuar ndonjëherë më parë, sepse ata janë në vijën e parë të varfërisë. Ata janë në vijën e parë të paqes. Ata janë në vijën e parë për ta bërë planetin tonë një vend më të mirë dhe një vend më të shëndetshëm për fëmijët.
Dy ditë para se të merrte pjesë në mbremjen e bamirësisë, Nyong’o njoftoi ndarjen e saj nga Masekela.
Ka gjëra shumë më të rëndësishme në botë që po ndodhin tani dhe mendimet e mia janë me ata që vuajnë thellësisht. Në këtë moment, është e nevojshme që unë të ndaj një të vërtetë personale dhe të shkëputem publikisht nga dikush që nuk mund t’i besoj më. Unë e gjej veten zemërthyer për shkak të një dashurie të shuar papritur dhe shkatërruar nga mashtrimi.
