I ftuar në “Pardon My French” sot ka qenë ish-banori i shtëpisë së BBV, Pirro Beati. Ai ka treguar gjithçka rreth eksperiencës së tij brenda shtëpisë më të famshme në Shqipëri dhe ka dhënë më shumë detaje rreth profesionit të tij gjithashtu.
Kur Beati hyri në shtëpi si banor i ri, Luizi, Olta, Armaldo dhe Kristi ndodheshin në burg për shkak të rregullit që kishin thyer. Fotografi tregoi se arriti të miqësohej shumë shpejt me banorët që nuk ishin në burg dhe pse më pas u miqësua më shumë me Luizin.
Përveç kësaj Beati arriti që në shtëpinë e Big Brother VIP të gjejë mënyrën e zgjuar për të vendosur orën dhe për të pasur edhe një sens orientimi rreth kohës, një gjë kjo që arriti të mbahej sekret mes Luizit dhe Nitës.
Unë e dija që mikrovalat zakonisht kanë orë, por që ditën e parë që kam vajtur nuk e kishte opsionin orë edhe thashë e kanë hequr. Kur kaluan disa ditë që unë nuk kisha çfarë të bëja një mëngjes, e hapa dhe pashë dhe e gjeta opsionin orë. Tani kishte një problem që nuk e dija se sa ishte ora, pastaj prita dy ditë të tjera që të vinte ‘Prime’ dhe në orën 21:00 kur filloi e vura. E kisha me gabim çerek ore, 20 minuta sepse nuk e dija fiks por e kisha të paktën një orar. Për ditën e parë, pastaj ia thashë Luizit dhe Nitës më duket. problemi ishte që nuk ia thoja dot me zë dhe ia bëja me shenja derisa ato e kuptuan dhe ata . Por mesa duket e ka dëgjuar edhe dikush tjetër dhe ma ndryshuan pas tre ditësh.
A e shijoji Beati këtë eksperiencë?
Për mua ishte shumë qejf, jam kënaqur shumë, kam qeshur shumë aty brenda. Këtë presionin që thonë të gjithë nuk e kam ndierë, ndoshta edhe pse nuk jam bërë pjesë e debateve.
Pse nuk u bë pjesë e debateve?
Sepse ato debate që bënin ishin për gjëra që kishin kaluar dhe gjëra para se të futesha unë.
Beati ndër të tjera tregoi se në finalen e BBV shikonte Luizin dhe Ermionën por duke qenë se kjo e fundit u skualifikua ditën e sotme nga Vëllai i Madh, fotografi mendon se Luizi dhe Olta do të jenë në finale ndërkohë që për Maestron dhe Kristin ishte pak në mëdyshje.
